Ընտրելով Մխիթար Սեբաստացու անվան կրթահամալիրը, մենք ոչ միայն ընտրում ենք դպրոց, այլ նաև անհատական կրթական ծրագիր, ըստ որի նախընտրել ենք շարունակել մեր ուսումը։ Մեր դպրոցի և հանրակրթական դպրոցների ծրագրերում նկատվում են առանցքային տարբերություններ, ինչը ակնկալում է, որ քննությունները գրելու համար մեզ անհրաժեշտ են թեստեր, որոնք համապատասխանում են մեր դպրոցի կրթական ծրագրի չափանիշներին։
Կրթահամալիրը յուրաքանչյուր աշակերտի ցուցաբերում է անհատական մոտեցում՝ իրենց նախասիրությունների շրջանակներում։ Աշակերտը հնարավորություն է ունենում ավելի շատ ժամանակ տրամադրել իրեն անհրաժեշտ առարկաների ուսուցման համար, և այդպիսով ձևավորվում է անձի անհատականությունը։ Ուսուցիչները իրենց հերթին նույնպես ունեն իրենց կողմից կազմված հեղինակային ծրագիր, ըստ որի առաջնորդվում են այդ ուսուցչին ընտրած աշակերտները։
Յուրաքանչյուրս ունենալով ընտրության հնարավորություն՝ կատարել ենք այն, և ցանկանում ենք, որ ամեն ինչ կատարվի ծրագրին համապատասխան, պատշաճ կերպով։
Մանե Մազմանդյան 